محاورة للعملاقين عبدالله بن شايق وملفي المورقي

مــلــفــي الــمــورقـــي
يا سلامي بعد ما جيت حفـل السهـول
ردة تشـمـل الحـلـه وضيفانـهـا
جيت أغني مع الشعار وأهرج وأقـول
ميـر جعـل العلـوم يقـر ميزانـهـا
...........
عــبــدالله بــــن شــايــق
مرحبا بالنيابـه فـوق متـن الذلـول
عان الأهـداف قدمـك عانهـا عانهـا
صل لله وسلـم عنـد ذكـر الرسـول
وإذبـح الحيـه اللـي مـدت لسانهـا
...........
مــــــلــــــفــــــي
كان ودك تخض الأرض عرض وطـول
لا تخـش الديـر مـع غيـر بيبانهـا
للقبايـل سلـوم وللسوالـف وصـول
دور الغاليـه وإتعـب علـى شانـهـا
...........
بـــــــن شــــايــــق
صاحبك ما يفكر في ضعـاف العقـول
والدياييـن شافـت وجــه ديانـهـا
الجبل ما تحرك مـن قـرون الوعـول
مـا تطيـر الطيـور إلا بجنحانـهـا
...........
مــــــلــــــفــــــي
كل غيمه تراهـا بأمـر ربـي تـزول
جنـب النـار شعلتـهـا ودخانـهـا
يا هل المعرفه لا تسرجـون الخيـول
راح وقـت الخيـول وراح ميدانـهـا
...........
بـــــــن شــــايــــق
لو تلوح البروق ولو تسيـل السيـول
ليلتـك ليلـة مـا غـاب شيطانـهـا
الفرس مـا تحـرك والبعيـر معقـول
والمعـارك تعـرف النـاس فرسانهـا
..........
مــــــلــــــفــــــي
يقطع الهرجه اللي ما تحصـل قبـول
ليلتي حاضـر مـن عصـر رحمانهـا
شوف باب الخروج وشوف باب الدخول
والرعيـه تحـت تصريـف رعيانهـا
..........
بـــــــن شــــايــــق
يقطع الكلمه اللي ما تجيـب محصـول
البعاريـن جاتـك تسحـب أرسانهـا
فكروا في الطلوع وفكروا في النـزول
مـا يقـود السفينـه غيـر ربانـهـا
..........
مــــــلــــــفــــــي
في الحجاز القصيد وفي الجنوب الطبول
إستمـع هرجتـي وتشـوف برهانهـا
أنتم أصحابنا ما أرضى عليكـم ميـول
غيـر مـال المبانـي غيـر عمدانهـا
..........
بـــــــن شــــايــــق
في الجنوب السباع وفي الحجاز الثعول
ولا نعـم الحجـاز وكــل سكانـهـا
أبك حنا الجمال اللي تشيـل الحمـول
والـمـزارع بخوختـهـا ورمانـهـا
...........
مــــــلــــــفــــــي
إثقلوا يا عرب دايـم وراكـم عجـول
يـا سبـاع كسرنـا روس نيبانـهـا
أنت دايم عيونك يم الأصحـاب حـول
والـسـواري بحبتـهـا ونيشانـهـا
..........
بـــــــن شــــايــــق
للمواقـف رجـال وللمشاكـل حلـول
يـا سبـاع كسرنـا خيـرة أسنانهـا
وأنت نظرتك دايم يـم خبـزه وفـول
ما تعرف الفرس لـو تمسـك عنانهـا
..........
مــــــلــــــفــــــي
تحسب إنك على كيفك تصول وتجـول
وأنت تعصرك بقعـاء بيـن كرعانهـا
تدري إنا رجال فـي الموقـف فحـول
مـا حسبنـا لزايـدهـا ونقصانـهـا
..........
بـــــــن شــــايــــق
مشكله مشكلة صاحـي ورط بمهبـول
جمـع الوقـت صالحهـا وخربانـهـا
كانكم للزمـان فحـول حنـا زحـول
نضرب عيونكـم مـن بيـن حجانهـا
...........
مــــــلــــــفــــــي
هرجتك صايبـه هـذي ليالـي تهـول
سـاوة النـاس صايبهـا وغلطانهـا
لا تساوي البحور الطاميـه بالدحـول
سلـم الله رجـال طـالـت أيمانـهـا
..........
بـــــــن شــــايــــق
أثر في مصر بيه وفي أم درمـان زول
قصـة مصرهـا يضحـك لسودانهـا
استح استح على وجهك وخلك خجـول
أم الأيتـام تبـكـي دون ورعانـهـا
..........
مــــــلــــــفــــــي
في أم درمان زول وجنب الأهرام هـول
ميـر الأردن تبـى تشريـف جيرانهـا
يا هل المسفله يا بعد ريـع الحجـول
أعرف البدو واللـي وسـط مرحانهـا
..........
بـــــــن شــــايــــق
أنت جاهل وأنا رجـال مانـي جهـول
قسـم هيـا ومـيـا راح لاخوانـهـا
عيدنا عيدنا عيديـن فـي كـل حـول
راح شوالهـا مــع درب شعبانـهـا
..........
مــــــلــــــفــــــي
إحمد الله ليا جالـك مـن الكيـف دول
ما يحكـم الجزيـره غيـر سلطانهـا
كان قلبك من الوقت القديـم مغسـول
الأوادم بخـيـر ومعتـلـي شانـهـا
..........
بـــــــن شــــايــــق
أحسب إن الهرافى مـا تهـز الذيـول
ليـن سرحـت معزاهـا مـع ضانهـا
كان قلبك عقـب ذاك الزمـان معلـول
جاك سيف يقـص الـروس أمتانهـا
..........
مــــــلــــــفــــــي
وين الأشراف عند مخرزيـن النعـول
مـا بقـى إلا الديـار يثـور بركانهـا
لا تعارض أسود الضلع وأنتـه جفـول
تاكلـك نـص لقمـه بيـن لحيانهـا
..........
بـــــــن شــــايــــق
غلطتك ما وراهـا فايـده وش تنـول
ويش فعـل الرجـال وفعـل نسوانهـا
نارد العد ثـم نشـرب وناخـذ علـول
ثـم نعـود علـى الغبـه وحيتانـهـا
..........
مــــــلــــــفــــــي
ما أقدر أضغط على بلفك تطش الهمول
والقبايـل علـى تـاريـخ جدانـهـا
أحسب إنك تجابه وأنت سبـع ختـول
ويـش علـم العبيـد تسـب عمانهـا
..........
بـــــــن شــــايــــق
لو تضغط على بلفي دخل فيـك قـول
إتـرك ضعافهـا لاتتـرك سمانـهـا