(سعد بن علوش) شاعر المليون

قصيده الشاعر الكبير / سعد علوش

في شاعر المليون





لأنه عصا .. وفر سمـوه عصفـور
=وياكثر عصفـارة كبـار الاسامـي
كل ماتضيق عقول تستاسـع صـدور
=سنة من سنيـن الزمـان الهلامـي
ولا ازداد سعر النفط نتزايـد فجـور
=سنة من سنيـن الزمـان الهلامـي
ودايم وراعي الحق مهجـا ومحـذور
=سنة من سنيـن الزمـان الهلامـي
وبيقاله بكـره تـرى منـت مجبـور
=وباقول للي قالهـا : يـا عظامـي..
الصبـح مـا يدحـر الليـل بالنـور
=تعيـش عمـرك كلبـوه فظلامـي
سجل ياتاريخ الشعر أصـدق سطـور
=أنا سعـد علـوش والمجـد زامـي
اعيش عيشة فقـر وآمـوت مقبـور
=ولا احني راسـي وأغيـر كلامـي
شاعر وأقود جيال وأعطـش بحـور
=عصامي وشعري سواتي عصامـي
ماكدبـه علـى نساويـن وبــزور
=احفظ مقامه مثل ما احفـظ مقامـي
ومن قبل حتى اكون شاعر ومخبـور
=لي رايي المطلـق ولـي أهتمامـي
واضح وأمثل خيـرة النـاس واثـور
=لامن سمعـت أن التغافـل تسامـي
فيارب لا تجعلني أسكـت علـى زور
=واجعل حسناتي مقاصيـص آثامـي
ولا تفرشنـي علـى كبـد ممـرور
=ولا تعرضبـي لـسـان انتقـامـي
لان الحقيقه سـم واظهارهـا جـور
=على القلـول ام الجهـل والتعامـي
وانا حقيقي فكـر وشعـور وظهـور
=ومانيب أجـر كشرتـي وابتسامـي
فباقولهـا وبيصيـر هالقـول مأثـور
=مع عـدم شكـري وبالـغ سلامـي
المجتمـع غالبـه رجعـي ومغـرور
=وفارغ من الدخل وسـاذج ونامـي
ابنا القبايل وآهـل السيـف والكـور
=قتالهـم علـى المسجـات حامـي
لو هالملاييـن انفقـت بـر وطهـور
=على البنى عم الجيـاع الضوامـي
ماشفـت شحاذيـن وديـون وعثـور
=بين القابيـل هـاه ويـن التحامـي؟
صفو يا آخر جيـل فالشعـر طابـور
=قدامكـم ليـل ووراكـم حرامـي.
بالـدور بالله اوقفـوا زيـن بالـدور
=ويلقي الكوميدي قبل يلقي الدرامـي
والكل منهي فـي وقوفـه ومأمـور
=الوقـت ضيـق والتقيـد لـزامـي
وماهو مهم يكون لك فكـر وشعـور
=أهم شـي تكـون شاعـر نظامـي
ولافيـه لجنـه ولا فـيـه دسـتـور
=الاسم سامي طالما المسـج سامـي
ياصاحـبـي ياشـاعـر يامغـمـور
=ماهكذا تعـرف وتشهـر الاسامـي
شالفايده تصيـر شاعـر و مشهـور
=اذا انت تبعـي موهبـه وانهزامـي
لان اللي يطلب من رعاع العرب شور
=ماهوب اهـل للمعرفـه والتسامـي
ادري بتزعل نـاس وتلـف وتـدور
=وبتقوول فيني قول جـارح ودامـي
وبتجي ردود العالم العمـي والعـور
=مثل الخريش اللـي بليـا خطامـي
لكن عزاي اني مع الحـق مسـرور
=لو تزعل أخوالي وتزعـل عمامـي
عن قول كلمة حق مانيـب معـذوور
=مبـادىء خلفـي وقبـري أمامـي
عادي اخسر اصحاب واخسر جمهور
=أهم شي اني ما اخسـر احترامـي