محاوره للشاعرين الكبيرين

موضوع: محاوره للشاعرين الكبيرين 24/4/2008, 7:40 pm

هذه محاوره قديمه للشاعر صياف السحيمي الحربي رحمه الله والشاعر مستور العصيمي
وكانت البدايه لصياف

صياف الحربي: ــــــــــــــــــــــــــــــــــــــــــــــــــ ــــــــــــــــــــــــ

اشوف مستور العصيمي جاب حبله وجملـــــــه
وليا قضى تمر الحساء جاني يبي تمر القصيم
ان مــد وحــده من يديــه امـلا يــدي واحطلـــه
وان كــان مد يدينه الثنتيــن اقــول الله كريــم
مستور العصيمي: ــــــــــــــــــــــــــــــــــــــــــــــــــ ـــــــــــــــــــ
ان كان عندك تمر جيتك بالبعيــر وحملـه
لكن لا تخلط لي التمـر الجديد مع القديــم
اظن صياف السحيمي ناسيا ويـش قلتلــه
وان كان ناسي يا صياف قل بالله العظيم
صياف الحربي:ـــــــــــــــــــــــــــــــــــــــــــ ـــــــــــــــــــــــــــــــ
التمــر يامستــور مــا عندك سنــون تاكلـه
أكل الضروس السوس والنيبان مافيها سليم
ياللي تبي ترضي هذاك وذاك تبـي تزعلــه
اهون عليك اللفلفــه والا الطـريق المستقيــم
مستور العصيمي:ــــــــــــــــــــــــــــــــــــــــــ ــــــــــــــــــــــــــــ
لابــدنــا نلقــى لنــا غيــرك عميــل نعاملـــه
وانا ضروسي من حديد وتكسر العظم الصميم
وان كان ماتدرون ويــش الراي خلــوه لهلــه
قــد قيــل بالامثــال مانــزال شدد لـه مقيــم
صياف الحربي:ـــــــــــــــــــــــــــــــــــــــــــ ــــــــــــــــــــــــــــــ
ينفــك بــاب الخـير للطرقي وحظــه يقفلــه
درب الصحيح يجيده العاقل ويخطيه الغشيم
اليا نقصــت الكيــل والمكيــال قلنــا كملــه
حنا ترى ماعندنا فاصحابنا خشم وخشيــم
مستور العصيمي:ــــــــــــــــــــــــــــــــــــــــــ ـــــــــــــــــــــــــــ
بان الصحيح وكل رجــال عرفنــا منزلــه
احد حياته في شقا واحد حياته في نعيم
اللي يبي كحل العيون يلد يمي واكحلــه
والا على قول المثل مال الغريم الا الغريم

شاعرين من فطاحلة الشعر

الله يعطيك العافيه

الله يعافيك

ولاهنت على المرور

» محاوره فلاح القرقاح ورشيد الزلامي